«Тостубатах үнүгэстэр» ахтыы сэһэни сэрии кэминээҕи оҕо сааһыран олорон ааспыты санаабытын-ахтыбытын, сурукка тиһэн бэчээккэ бэлэмнээтэ И.М.Попов-Уһук Уйбаан. Сэһэҥҥэ, аата да этэринии, сэрии сылларын оҕолоро эһэлэрин, эбэлэрин, ийэлэрин, эдьиийдэрин кытта тэҥҥэ аччыктааһыны, хоргуйууну, сыра сындалыйыытын, тоҥууну-хатыыны тулуйан, инчэҕэй тирбэҕэ быстыбатыныы туруулаһан Кыайыыны уһансыбыттара биир киһи олоҕун ахтыытынан сирэйдээн сэһэргэнэр. Үгүстэрэ күн бүгүн биһиги кэккэбитигэр суохтар эрээри, кинилэр сырдык ааттарын, тус кэпсэммэтэхтэрин да иһин, дьон-сэргэ ахтан-санаан ааһыа диэн эрэнэбит. Ааҕааччы киэҥ араҥатыгар ананар

Уһук Уйбаан “Суруллубут - суоруллубат” хомуурунньугар инники араас кэмнэ суруйбут анаарыылара, кылгас уонна толору хоһоонноро, кэпсээннэрэ чөкөтүллүбүттэр. Хомуурунньукка киирбит айымньылар ис хоһоонунан буолбакка, санаа көҥүл күүлэйин көрүҥүнэн түмүллүбүттэр. Ааҕааччы киэҥ араҥатыгар ананар

Ааптар бу сэһэнигэр сүрүн дьоруой Кирилэ (Киирис) Кырылов бэйэтин күүстээх санаатынан уонна үтүө дьон көмөлөрүнэн олох очурдарын эрдээхтик туораан, үтүөнү-кэрэни аймыыр хара санаа дьайыыларын кытта харса суох киирсэрин, түмүгэр кыайыылаах тахсарын туһунан уустаан-ураннаан кэпсиир. Ааҕааччы киэҥ эйгэтигэр ананар

«Олох охсууларыттан охтубакка» сэһэнэ - Уһук Уйбаан биир киһи олоҕуттан сирдэппит (прототип) айымньыта. Киһи аймах орто дойдуга олоҕо түһүүлээҕин-тахсыылааҕын, очурдааҕын-чочурдааҕын кэпсиир. Киһи олоҕун устата кутуллубут курдук дэхси суолунан барбат. Элбэх моһоллору ааһар. Айымньы сүрүн ис хоһооно «бүдүрүй-охтума, оҕут- тур уонна тохтоон туран хаалбакка, дьон-сэргэ сирдэтэр сиэрин тутуһан инниҥ диэки бар» диэн